ئەندامێکی لیژنەی ئاسایش و بەرگری پەرلەمانی
عێراق رایگەیاند، لەسەرەتای مانگی داهاتووەوە هێزەکانی ئەمریکا لە عێراق دەست بە
کشانەوە دەکەن.
لەسەرەتای مانگی داهاتووەوە دەست بە کشانەوە دەکەن
بەدر زیادی، ئەندامی لیژنەی ئاسایش و بەرگری
پەرلەمانی عێراق بە رۆژنامەی "مەدا"ی عێراقی راگەیاند:" بە گوێرەی
رێککەوتنی نێوان هەردوو حکومەتی عێراق و ئەمریکا لەسەرەتای مانگی داهاتووەوە هێزە
شەڕکەرەکانی ئەمریکا لە عێراق دەست بە کشانەوە دەکە و تاوەکو کۆتایی ئەمساڵ هیچ
هێزێکی ئەمریکی لە عێراقدا نامێنێتەوە ".
ئاماژەی بەوەشکردووە:" بڕیارە پەیمانی
ناتۆ ئەو بۆشاییانە لە عێراق پڕ بکاتەوە،
بەتایبەت لە بواری مەشق و راهێنان لەسەر فڕۆکە و تەکنەلۆژیا سەربازییەکان ".
لە ئێستا نزیکەی دوو هەزار و ٥٠٠ سەربازی
ئەمریکی لە عێراقدا هەن، کە ژمارەیەکی زۆریان لە چوارچێوەی هاوپەیمانی نێوەدەوڵەتی
لە دژی داعش هێندرانە عێراق.