وتەبێژی فەرماندەیی ئۆپەراسیۆنە هاوبەشەکانی
عێراق رایگەیاند، لە رۆژی هەڵبژاردنەکاندا قەدەغەی هاتوچۆ ناکرێت.
ئەمڕۆ شەممە، ١٨ی ئەیلول، لیوا تەحسین خەفاجی، وتەبێژی فەرماندەیی
ئۆپەراسیۆنە هاوبەشەکانی عێراق لەلێدوانێکی رۆژنامەوانیدا رایگەیاند:"
هیچ بڕیارێک نییە بۆ قەدەغەکردنی هاتوچۆ لەرۆژی هەڵبژاردنەکاندا لە ١٠ی مانگی
داهاتوو و بەمەبەستی گەیشتنی زۆرترین ژمارەی دەنگدەران بەبنکەکانی دەنگدان، هاتوچۆ
لەسەرجەم پارێزگاکانی عێراق ئاسایی دەبێت".
لە رۆژی هەڵبژاردندا سەرجەم هێزە ئەمنییەکان لەحاڵەتی ئامادەباشیدا دەبن
لیوا تەحسین خەفاجی ئاماژەی بەوەشداوە:"
لە رۆژی هەڵبژاردندا سەرجەم هێزە ئەمنییەکان لەحاڵەتی ئامادەباشیدا دەبن بۆ هەر
حاڵەتێکی نەخوازراو کە رووبدات و رێگری دەکەن لەهەموو جۆرە گردبوونەوە و پشێوی و
ئاڵۆزییەک لەبەردەم بنکەکانی دەنگداندا".
وابڕیارە لە رۆژی ١٠ی مانگی داهاتوو
هەڵبژاردنی پێشوەختەی ئەنجومەنی نوێنەرانی عێراق بەڕێوەبچێت.