چۆن بزانین ئەو گۆشتەی دەیکڕین تەندروستە؟

تەندروستی پێش 4 هەفتە

Alternate Text

ئەندازیارێکی خۆراک ئەو هەنگاوانە ئاشکرادەکات کە لە رێگەیەوە گۆشتی نوێ و تەندروست لە گۆشتی خراپبوو و ناتەندروست جیادەکاتەوە.

لەشکر حەمید، ئەندازیاری خۆراک لە میانەی پێشکەشکردنی بەرنامەی چی بخۆین کە لە BMC پەخش دەکرێت، ئاماژەی بەوەکردووە:" پێویستە هەموو گۆشتێک پشکنینی بۆ ئەنجامدرابێت و بەچاودێری ڤێرتەرنەری خرابێتە بازاڕەکانەوە، لەگەڵ ئەوەشدا چەند پشکنینێکی سەرەتایی هەن کە هەموو کەسێک دەتوانێت پێش کڕینی گۆشتەکە ئەنجامی بدات ".

ئەوەشی خستووەتەڕوو:" لە بنەڕەتدا رەنگی هەریەک لە گۆشتی مانگا و بزن سورێکی کاڵە، ئەگەر رەنگەکەی گۆڕدرا بۆ سوری تۆخ، یاخود لە رەنگی قاوایی نزیکبووەوە، ئەوا بە دڵنیاییەوە بەکتریا و میکرۆب لەسەری گەشەی کردووە و تەندروست نییە".

لەشکر حەمید وتیشی:" گۆشتی بەرخ رەنگی گاڵترە و رێژەی چەورییەکەشی زیاترە، هاوکات ئەگەر گۆشتەکە رەونەق و شێی پێوە نەمابوو مانای ئەوەیە گۆشتەکە بۆ ماویەکی زۆر ماوەتەوە و بەکتریا لەسەری گەشەی کردووە ".

نابێت دوای سەربڕینی ئاژەڵەکە گۆشتەکەی بشۆردێتەوە و بخرێتە ساردکەرەوە

روونیشیکردەوە:" هەڵەی باوی زۆربەی خانمان ئەوەیە دوای سەربڕینی ئاژەڵەکان دەیشۆنەوە و دواتر لە ناو ساردکەرەوەدا هەڵیدەگرن، بەڵام بەو هەنگاوە گۆشتەکە بەها خۆراکییەکانی کەمدەبێتەوە و باشتر وایە دوای سەربڕینی ئاژەڵەکە و پارچەکردنی راستەوخۆ بکرێتە ناو ساردکەرەوە".

Alternate Text

دوایین هەواڵ

"شەڕی ئەمجارەی داعش سەختتر دەبێت"

کوردستان 9 کاتژمێر پێش ئێستا

داعش هێرشیکردە سەر گوندێک

کوردستان 9 کاتژمێر پێش ئێستا

ئه‌مانه‌ش ببینه

‌‌مەڵتیمیدیا