هادی عامری رایگەیاند، هەڵبژاردنەکان دەست تێوەردانی
تێدا کراوە و گومانیان لە ئەنجامی هەڵبژاردنەکان هەیە، بۆیە دەبیت کارمەندانی
کۆمسیۆن دادگایی بکرێن.
ئەمڕۆ چوارشەممە ٤ی کانوونی یەکەم، هادی عامری سەرۆکی
هاوپەیمانی فەتح لە کۆنگرەیەکی رۆژنامەوانیدا رایگەیاند:" ئەنجامی
هەڵبژاردنەکان بەو شێوازە نەبوو کە هیوامان بۆ دەخواست، هەروەها ئەنجامەکان بێ دەسەڵاتی کۆمسیۆنمان
پیشان دەدات لە پرۆسەکەدا".
چەندین پێشێلکاری و سەرپێچی و هەڵەی تەکنیکی هەبووە
هادی عامری لە درێژەی قسەکانیدا ئاماژەی بەوەشکرد:" چەندین پێشێلکاری و سەرپێچی و هەڵەی تەکنیکی هەبووە
لە ئەنجامی هەڵبژاردنەکان و ئەمەش وایکردووە ئەنجامەکانی هەڵبژاردن جێگەی پرسیاربێت
و داوای دادگاییکردنی کارمەندانی کۆمسیۆن دەکەین".
کۆمسیۆن ئەرکەکانی خۆی بە شێوازێكی راست ئەنجامنەداوە
باسی لەوەشکرد:" کۆمسیۆن ئەرکەکانی خۆی بە شێوازێكی
راست ئەنجامنەداوە و چەندین سەرپێچی هەبووە لە بەڕێوەچوونی هەڵبژاردنەکان و
ئەنجامی هەڵبژاردنەکان، یەکێک لەو سەرپێچیانە بڵاوکردنەوەی ٪٧٩ ی ئەنجامی
هەڵبژاردنەکانە بە پێچەوانەی یاساکاناوە کە دەبێت لە ٪١٠٠ ی بڵاوبکرێتەوە، هەروەها
هاوپەیمانی فەتح گومانی لە ئامێری دەنگدانەکان هەیە"
وتیشی:" زۆربەی لایەنەکان ترسی ئەوەیان هەیە کە دەست
تێوەردان لە ئەنجامی هەڵبژاردنەکان کرابێت".