شێخ جەعفەر شێخ مستەفا رایگەیاند، پێویستە بەپەلە کێوماڵی ئەو ناوچانە بکرێت کە بوونەتە سەرچاوەی پەلامارەکانی داعش و مەترسییان بۆ سەر پێشمەرگە و خەڵکی سڤیل دروستکردووە.

پەلامارەکانی داعش مەترسین بۆ سەر ئاسایشی ناوچەکە

ئەمڕۆ دووشەممە، شێخ جەعفەر شێخ مستەفا، جێگری سەرۆکی هەرێمی کوردستان پێشوازیکرد لە ئۆلیڤیێ دیکۆتینی، کونسولی گشتیی فەرەنسا لە هەرێمی کوردستان و ئەو پەیامەی پێگەیاند:" هێرش و پەلامارەکانی ئەم دواییانەی داعش مەترسین بۆ سەر ئاسایشی ناوچەکە و پێویستە کێوماڵی بەپەلەی تەواوی ئەو شوێنانە بکرێت کە بوونەتە سەرچاوەی پەلامار و هێرشی تیرۆرستان بۆ سەر پێشمەرگە و خەڵکی سڤیل ".

ئەوەشی خستووەتەڕوو:" سەقامگیریی سیاسیی عێراق و هەرێمی کوردستان بۆ بەرقەراربوونی ئاسایشی ناوچەکە گرنگە ".