پسپۆڕێکی خۆراکی روسی ئاماژەی بەوەکرد، سەرباری
سوودە زۆرەکانی لیمۆ، بەڵام خواردنی بۆ هەندێک کەس زیانەکانی زیاترە.
ئالێکساندرا لابینا، پسپۆڕی خۆراکی روسی بە
ئاژانسی "نۆفۆستی"ی راگەیاندووە:" ئەو کەسانەی
هەستیارییان بە لیمۆ هەیە نابێت بیخۆن، لەگەڵ ئەوانەی بەدەست نەخۆشییەکانی گورچیلە
و گەدە و ریخۆڵەکانەوە دەناڵێنن یان گرفتی پوک و ددانیان هەیە ".
رێگریی لە گەشەی گرێی شێرپەنجەیی دەکات
لەبارەی سوودەکانیشی، ئەوەی خستووەتەڕوو:" لیمۆ کرداری
هەرس باش دەکات و ئاستی کۆلیسترۆڵ لە خوێندا دادەبەزێنێت و ڕێگریی لە گەشەی گرێی
شێرپەنجەییش دەکات، هەروەها زۆر کەس بۆ چارەسەری سەرما و هەڵامەت و ئەنفلەوەنزا
بەکاریدەهێنن، چونکە تایبەتمەندی دژە بەکتریا و ڤایرۆسەکانی هەیە ".