بابەتە سەرەکیەکە: خواردنی رەیحانە چەندین سودی تەندروستی هەیە و یارمەتی کەمکردنەوەی هەوکردنی کۆڵۆن، غازات و قەبزی دەدات.

کێ وتی: کامەران رەسوڵ ژاژڵەیی پسپۆڕی زانستی خۆراک لە پەڕەی فەرمی خۆی بڵاویکردوەتەوە: خواردنی رەیحانە چەندین سودی تەندروستی هەیە، لەوانە؛ یارمەتی کەمکردنەوەی هەوکردنی کۆڵۆن، غازات و قەبزی دەدات و خوێنبەرەکان و دڵ بەهێزدەکات.

سودەکانی رەیحانە؛

- یارمەتی کەمکردنەوەی نیشانه‌کانی هەوکردنی کۆڵۆن، نەهێشتنی غازات، قەبزی و پاککردنەوەی ریخۆڵه‌کان لە ماددە زیان بەخشەکان دەدات.

- یارمەتی کەمکردنەوە و نەهێشتنی ئازار دەدات چونکە وەک ئازارشکێنی سروشتی ناسراوە .

- یارمەتی بەهێزکردنی تەندروستی دڵ و خوێنبەرەکان دەدات، چونکە دەوڵەمەندە بە ماددە دژە ئۆکسانەکان و مەگنسیۆم و پۆتاسیۆم، کە ڕۆڵی هەیە لە خۆپاراستن لە جەڵتە، تەسکبونەوەی بۆرییەکانی خوێن، بەرزی فشاری خوێن و نەخۆشییەکانی دڵ.

- یارمەتی دابەزاندنی کۆلیسترۆڵی خراپ و چەورییە سییانیەکان دەدات .

- یارمەتی چارەسەری کەمی ماددەی ئاسن و کەمخوێنی و رێگریکردن لێیان دەدات .

- کەمکردنەوەی دڵه‌ڕاوکێ، قه‌له‌قی و نیشانه‌کانی خەمۆکی.

- بەهێزکردنی کۆئەندامی هەناسە، کەمکردنەوەی نیشانه‌کانی پەتا، ڕەبۆ و پاککردنەوەی ڕێڕەوی هەناسە .

- نەهێشتنی بۆنی ناخۆشی ناودەم و هەناسە.

- یارمەتی خۆپاراستن لە کۆمەڵێک جۆری شێرپەنجە دەدات.

- یارمەتی کەمکردنەوەی زیپکە و عازەبە دەدات.

- یارمەتی زیادکردنی ئارەزوی خواردن دەدات.

زیاتر: سەبارەت بە کاریگەرییە لاوەکییەکانی خواردنی رەیحانە کامەران رەسوڵ دەڵێت، ئەو کەسانەی کێشەی خوێنبەربون یاخود دەرمانی دژە مەینی خوێن وەردەگرن پێویستە بڕێکی زۆری لێ نەخۆن چونکە بڕێکی زۆری لە ڤیتامین K تێدایە.