محەممەد شیاع سودانی سەرۆک وەزیرانی عێراق داوا لە هاوڵاتییان دەکات دۆلارەکانیان بگۆڕنەوە بە دینار و دەڵێت، دیناری عێراق لە دۆلاری ئەمەریکی بەهێزترە.
محەممەد شیاع سودانی، سەرۆک وەزیرانی عێراق لە داواکارییەکیدا بۆ هاوڵاتییان دەڵێت:" دیناری عێراق لە دۆلار بەهێزترە و داواتان لێدەکەم دۆلارەکانتان هەڵنەگرن، بەڵکو بیگۆڕنەوە بە دینار".
دڵنییاش دەداتە هاوڵاتییان، کە وەکو حکومەتی عێراق نرخی دۆلار بەرامبەر بە دینار دادەبەزێننەوە و دەیگەڕێننەوە نرخی پێشووی.
ئەمەش لە کاتێکدایە، لە ئێستادا نرخی ١٠٠ دۆلار بۆ ١٦٨ هەزار دینار بەرزبووەتەوە، کە ئەم نرخەش بەراورد بە چەند هەفتەی رابردوو بەرزبوونەوەیەکی بەرچاوی بەخۆیەوە بینیوە.