نرخی نەوتی خاو لە بازاڕەکانی جیهان بەرزبووەوە و یەک بەرمیل نەوتی خاوی برێنت لە سەروو 88 دۆلار مامەڵەی پێوەدەکرێت.

ماڵپەڕی "oilprice"ی تایبەت بە نرخی نەوت و سوتەمەنی ئاماژەی بەوەکردووە، لە ئێستادا نرخی نەوتی خاوی برێنت بە رێژەی 1.98٪ بەرزبووەوە و یەک دۆلار و 72 سەنت چووە سەر نرخەکەی، بەجۆرێک کە یەک بەرمیل نەوت بە 88 دۆلار و 55 سەنت مامەڵەی پێوەدەکرێت.

ئەوەشی خستووەتەڕوو، نرخی نەوتی ئەمەریکیش بە رێژەی 2.30٪ بەرزبووەتەوە و نرخی یەک بەرمیل نەوتی ئەمەریکی گەیشتووەتە 85 دۆلار و 55 سەنت.