بابەتە سەرەکییەکە: ئەو پرۆژە و کەموکورتیانەی کە لەسنوری
ئیدارەی گەرمیان هەبوون و داواکاری هاوڵاتیانی سنورەکە بوون جێبەجێ دەکرێن.
راگەیەندراوی فەرمی: نوسینگەی راگەیاندنی سەرپەرشتیاری پرۆژەكانی
دەزگای دارایی یەكێتی لە گەرمیان بڵاویکردەوە: بە بڕیاری بافڵ
جەلال تاڵەبانی سەرۆکی یەکێتی نیشتمانی و لەژێر سەرپەرشتی شێخ ئەحمەد حەمە کەریم ئەندامی
مەکتەبی سیاسی و سەرپەرشتیاری بانگەشەی هەڵبژاردنی لیستی 129 ی یەكێتی لە گەرمیان،
پرۆژەکان جێبەجێ دەکرێن.
ئەمەش هەیە: پرۆژەکان خۆی دەبینێتەوە لە 157 پرۆژەی بچوک
و مام ناوەند و گەورەیی جیاجیان لە بوارەکانی قیرتاو و وەرزش و کارەبا و کۆنکرێت و
دابنیکردنی پێداویستی قوتابخانەو راکێشانی تۆڕی ئاو بۆ گوندەکانی سنوری گوندەکان و
چەندین بواری تر.
تێچوو: ئەم پرۆژانە زیاتر لە 15 ملیار دینار تێچوویان
دەبێت.
چی تر: شێخ ئەحمەد حەمەکەریمخۆی سەرپەرشتی پرۆژەکان دەکات
و هەفتەی دوو رۆژ لە گەرمیان دەبێت و لە کەموکوڕی و داواکاری هاوڵاتییان دەکۆڵێتەوە
لە رێگەی حەوت تیمی جیاوازەوە.
زیاتر: تەواوکردنی پرۆژەکان و جێبەجێکردنی داواکارییەکانی
هاوڵاتییانی گەرمیان بە هەموو قەزاو ناحیە و گوندەکانییەوە، بەجێگەیاندنی ئەو بەڵێنانەیە
کە یەکێتی نیشتمانی کوردستان بەخەڵکی سنورەکەی دابوو .