بابەتە سەرەکییەکە: بزووتنەوەی گۆڕان لە ماوەی سێ مانگی داهاتوودا ئامادەکاری بۆ بەستنی کۆنفڕانسی سێیەم لە شاری سلێمانی دەکات.

راگەیەندراوی فەرمی: بزووتنەوەکە ئاماژەی بەوەکردووە:وەکو پێویستییەکی ژیانی رێکخراوەیی و پابەندیی یاسایی، ئامادەکارییەکان دەکەین.

دەقی راگەیەندراوەکەی بزووتنەوەی گۆڕان:

 وەکو پێویستیەکی ژیانی ڕێکخراوەیی و پابەندی قانونی؛ بزوتنەوەی گۆڕان لە سێ مانگی داهاتودا، ئامادەکاری بۆ بەستنی کۆنفرانسی سێهەم لە شاری سلێمانی دەکات.
ئەم کۆنفرانسە دەکرێتە وێستگەی گۆڕانکاری ریشەیی و بەخۆداچونەوە هەڵسەنگاندنی گشتگیر، بۆ ئەدای كاری دامەزراوەكان و یەكە ریکخراوەییەکان.
لەسەر ئەو بنچینەیە و وەک بنەمایەک بۆ کاری پێکەوەیی، بانگەواز لە هەمو ئەو هاوڕێ و کەسایەتی وهەڵسوڕاو و گۆڕانخوازانە دەکەین، کە پەرۆشن بۆ بەهێزكردنەوەی گۆڕان، بەپڕۆژە، سەرنج و تێبینی و بۆ چونەکانیان بەشداربن، لە دەوڵەمەندکردن و گەڵاڵەکردنی دەستورێکی گونجاو و پەیكەرەیەكی رێكخراوەیی و داڕشتنەوەی بەرنامە و گوتاری سیاسی بۆ قۆناغی داهاتوی بزوتنەوەكەمان.