بەشداربووانی لوتکەی هاریکاری ئۆکرانیا رایانگەیاند، سەرکردەی وڵاتانی ئەوروپا
لەسەر زیادکردنی بودجە بۆ کیێڤ رێککەوتوون.
لە بەیاننامەیەکدا، بەشداربووانی لوتکەی هاریکاری ئۆکرانیا رایانگەیاند:"
سەرکردەی وڵاتانی ئەوروپا لە پاریس کۆبوونەتەوە و رێککەوتوون لەسەر ئەوەی بودجەی
ئۆکرانیا بۆ شەڕەکەی لە دژی روسیا زیاد بکەن".
ئاماژەیان بەوەشکرد:" سەرۆکی دەوڵەتانی ئەوروپا
رێککەوتوون لەسەر ئەوەی هەرکارێک پێویستبێت بۆ پشتگیرکردنی ئۆکرانیا ئەنجامی بدەن،
چونکە شکستی روسیا لەو شەڕەدا واتا ئاشتی و سەقامگیری بۆ ئەوروپا".
ماوەی دوو ساڵە شەڕ لەنێوان سوپای روسیا و هێزەکانی
ئۆکرانیا بەردەوامە و لە سەرەتای دەستپێکردنی شەڕەکەوە وڵاتانی ئەوروپا پشتیوانی
خۆیان بۆ ئۆکرانیا راگەیاند.