سەرۆکی کۆمەڵەی پێشمەرگە دێرینەکانی کوردستان رایگەیاند، سەرەڕای ناڕەزایەتییەکانیان تاوەکو ئێستا خۆپیشاندانیان نەکردووە بۆ ئەوەی نەبنە هۆکاری تاڵانی دامودەزگاکان.
جەمیل هەورامی سەرۆکی کۆمەڵەی پێشمەرگە دێرینەکانی کوردستان لە کۆنگرەیەکی رۆژنامەوانیدا رایگەیاند:" پیرۆزبایی یادی 33 ساڵەی راپەڕین لە هەمووان دەکەم،  گەندەڵی و کێشە چارەسەرنەکراوەکان بەهای راپەڕینمان لا کەم ناکاتەوە".
ئاماژەی بەوەشکرد:" زۆرینەی چین و توێژەکان راپەڕینیان لەبەرچاوکەوتووە و هەندێکیان دەڵێن پەشیمانن لەو کارە، هۆکاری قسەکەی ئەوانیش کێشە داراییەکانن کە بەرۆکی هەموو چین و توێژێکی گرتووە".
باسی لەوەشکرد:" ماوەی 11 ساڵە فەرمانی دابەشکردنی زەوی بۆ پێنج هەزار و 700 پێشمەرگەی دێرین دەرچووە و تاوەکو ئێستا جێبەجێ نەکراوە، هەزاران پێشمەرگەی درێن هەیە هێشتا کرێچین".
جەمیل هەورامی وتیشی:" سەرەڕای کێشە و ناڕەزایەتییەکانمان، بەڵام ئێمە قەت نەهاتووینەتە سەر شەقام و خۆپیشاندانمان نەکردووە، بۆ ئەوەی نەبینە رابەر بۆ ئەوانەی سبەی بە ناوی خۆپیشاندانەوە فەرمانگە و دامودەزگا گشتییەکان تاڵان دەکەن".