بەڕێوەبەرایەتی پۆلیسی هەرێم لە
نووسراوێکدا رایگەیاند، بڵاوکردنەوەی وێنە بە جلی سەربازییەوە لە کارمەندان و
ئەفسەران قەدەغەیە.
بەڕێوەبەرایەتی پۆلیسی هەرێم
رایگەیاند:" لەپێناو پاراستنی شکۆی ئەفسەر و کارمەندانی هێزەکانی ئاسایشی
ناوخۆ کە بەرپرسن لە پاراستنی سەر و گیانی هاوڵاتییان و پێشکەشکردنی خزمەتگوزاری
گشتی، قەدەغەیە بە جلوبەرگی سەربازییەوە بۆ هیچ مەبەستێک جگە لە ئەرکی فەرمی،
ئەفسەر و کارەمەندان ڤیدیۆ و وێنە لە تۆڕەکۆمەڵایەتییەکان بڵاوبکەنەوە".
ئاماژەی بەوەشکرد:" ئەگەر
کارمەندان و ئەفسەران بەشداری هەر چالاکییەک بکەن پێویست بێت جلوبەرگی فەرمی لە
دەرەوەی کاتی دەوام بپۆشن و ئەو چالاکییە لە هەر کەناڵێکی میدیایی یان
تۆڕەکۆمەڵایەتییەکان بڵاوبکرێتەوە، پێویستە رەزامەندی لەسەروو خۆیان وەربگرن".
باسی لەوەشکرد:" هەر کەسێك بۆ هەر
مەبەستیکی دیکە جلو بەرگی فەرمی لەبەر بکات و لە تۆڕەکۆمەڵایەتیەکان خۆی نمایش
بکات لێپرسنەوەی یاسای لەگەڵ دەکرێت بۆ کاری پێویست".