به‌رپرسی لقی چواری پارتی دیموكراتی كوردستان رایگەیاند، ئه‌گه‌ر بەبێ
پارتی هه‌ڵبژاردنی پەرلەمانی کوردستان بەڕێوەبچێت، عێراق و هه‌رێمی كوردستان رووبه‌ڕووی
كێشه ده‌بنه‌وه.
له مه‌بده‌ئی خۆمان لاناده‌ین
ئاری هەرسین، به‌رپرسی لقی چواری پارتی دیموكراتی كوردستان ئاماژەی
بەوەکرد:" هه‌ر لایەنێک به‌شداری له هه‌ڵبژاردن
ده‌كات یاخود نا، ئازاده، ئێمه حزبێكی مه‌بده‌ئیین و ئه‌گه‌ر به‌شدارینه‌كردن له
هه‌ڵبژاردن به زیانی خۆشمان ته‌واوبێت، له مه‌بده‌ئی خۆمان لاناده‌ین ".
ئەم هەڵبژاردنە پیلان بۆداڕێژراوه
وتیشی:" یۆنامی ناتوانێت میسداقییه‌ت به‌و هه‌ڵبژاردنه بدات،
چونكه پیلان بۆداڕێژراوه و ئه‌نجامه‌كه‌شی دیاریكراوه ".
ئەمەش لەکاتێکدایە، بڕیارە رۆژی 10ی حوزەیرانی 2024 هەڵبژاردنی خولی
شەشەمی پەرلەمانی کوردستان بەڕێوەبچێت و تاکو ئێستا دیارە نییە پارتی بەشداری
دەکات لەو هەڵبژاردنە یاخود نا، چونکە پارتی لە بڕیارەکانی دادگای فیدراڵی لەبارەی
پڕۆسەکە ناڕازییە.