كەمێك بەر لە ئێستا هاتووچۆی گەشتیاری لە مەرزی نێودەوڵەتی باشماخ بەشێوەیەكی گشتی ئاسایی بووەوە.
بەڕێوەبەرایەتی كۆمەڵگای دەروازەی نێودەوڵەتی باشماخ لە راگەیەندراوێكدا بڵاویكردەوە:" ئاگاداری سەرجەم گەشتیاران دەكەین كە هاتووچۆی گەشتیاری لەمەرزی نێودەوڵەتی باشماخ ئاساییە و دەستی پێكردۆتەوە".
ئەو كێشانەی هەبوون لە مەرزی باشماخ بەتایبەت لە سنوورەكانی ئێرانەوە چارەسەركراون
ئاماژەی بەوەشكردووە:" ئەو كێشانەی هەبوون لە مەرزی باشماخ بەتایبەت لە سنوورەكانی ئێرانەوە چارەسەركراون و لەئێستا بەداواوە و لە كاتژمێر (11:30)ی خولەكی پێش نیوەڕۆ وەهیچ رێگریەك نەماوە و دەتوانن گەشتەكانتان ئەنجام بدەن".
ئەمەش لەكاتێكدایە، بەهۆی دروستبوونی كێشەیەكی تەكنیكی لە رایكردنی مامەڵەكانی گەشتیاری هاوڵاتیان لە سنوورەكانی ئێرانەوە، هاتووچۆی گەشتیاری لە مەرزی نێودەوڵەتی باشماخ لە شەوی رابردووەوە راگیرا.