چی روویدا: دوای یەکسانبوونی لەگەڵ یانەی شوڕتەی عێراق،
یانەی نەسڕی سعودی لویس کاسترۆی لە راهێنەرایەتی یانەکە دوورخستەوە.
راگەیەندراوی فەرمی: یانەی نەسڕی سعودی لە بڵاوکراوەیەکدا
لە سەکۆی "ئێکس" ئاشکرایکرد، کۆمپانیای یانەی نەسڕ بڕیاریدا بەشێوەیەکی
فەرمی گرێبەستەکەی لەگەڵ لویس کاسترۆی راهێنەری تیپی یەکەمی یانەکە هەڵبووەشێنێتەوە.
ئەمەشی وت: رۆڵی ئەو راهێنەرە لەگەڵ یانەی نەسڕ
بەرزدەنرخێنین و هیوای سەرکەوتنی بۆ دەخوازین.
بیرهێنانەوە: لویس کاسترۆی پۆرتوگالی کە تەمەنی 63
ساڵە، لە 6ی 7ی 2023 بووە راهێنەری یانەی نەسڕ لە 62 یارییدا 44 یاریی لەگەڵ
یانەکە بردەوە و تەنیا یەک نازناوی بەدەستهێنا، کە نازناوی جامی شا سەلمان بوو و
پاڵەوانێتییەکی دۆستانەیە.