بابەتە سەرەکییەکە: وتەبێژی لیستی 129ی یەکێتی نیشتمانی کوردستان روونکردنەوەیەکی بڵاوکردەوە.

ئەوەی پێویستە بیزانیت: کاروان گەزنەیی رایگەیاند: جارێکی تر لە رێگەی نانەوەی ئاژاوە، بەهۆی ترس لەهەڵبژاردن و شکستی هەڵبژاردن، لە ماوەی چەند رۆژێکدا، دووەمجارە لە رێگەی کاری ئاژاوەگێڕییەوە، هەوڵ بۆ تێکدانی هەڵبژاردن دەدرێت.

چی روویدا: ئەمڕۆ دووشەممە، لە کاتی بەشداریکردنی شاڵاو کۆسرەت رەسوڵ لە پرسەی کۆچکردوو (تۆفیق حاجی حەمەکە) کە خانەوادەیەکی یەکێتین، کوڕێکی ( قەهاری سابیر عەلکە) لەناو مزگەوت قسەی نەشیاو دەکات، لە بەرامبەردا، لەپای ڕێزگرتن لە حەرەمی مزگەوت و نەریتی کۆمەڵایەتی و ئایینی میللەتەکەمان و خانەوادەی کۆچکردوو ، شاڵاو کۆسرەت ڕەسوڵ وەڵامی ناداتەوە.

دواتر: پاسەوانەکانی قەهار، لەکاتی جێهێشتنی مزگەوت لەلایەن شاڵاو کۆسرەت ڕەسوڵ، لە ناو مزگەوتەکەدا تەقە دەکەن.

چی تر: تەواوی ئەو کار و کردەوانە بە هەوڵی نەزۆک دەبینین بۆ تێکدانی ئارامی و بەڕێوەچوونی هەڵبژاردن لە کاتی خۆیدا.

ئەمەشی وت:  ئەم کردارانەش بەڕوونی ترسن لە هەڵبژاردن و پێچەوانەی دروشمەکانی خۆیانن، ئەمەش دەرخەری ئەو ڕاستیەیە کە دۆڕان و شکست چاوەڕوانییان دەکات.

زیاتر: جارێکی تر، وەکو یەکێتی نیشتیمانی کوردستان، جەخت لە بانگەشەیەکی هێمن و مەدەنی و دیموکراسی دەکەینەوە و داواکارین لە هەموو لایەنەکان بانگەشەیەکی هێمن و ئارام بەڕێوەببەن.