بابەتە سەرەکیەکە: سەرۆککۆماری تورکیا رایگەیاند، ئەمریکا و وڵاتانی رۆژئاوا پێویستە بە ئاشکرا بڵێن دژی داگیرکاریەکانی ئیسرائیلن.

لێدوانی فەرمی: رەجەب تەیب ئەردۆغان سەرۆککۆماری تورکیا رایگەیاند: بەمزوانە وەزیری دەرەوە هاکان فیدان سەردانی سوریا دەکات و یارمەتیدەری بونیادنانی پێکهاتەی نوێی دەسەڵات لەو وڵاتە دەبێت و لە قۆناغی راگوزەردا بۆ ئەوەی قۆناغەکە بە بێ گرفت تێپەڕێت، یارمەتیدەری دەسەڵاتی نوێی سوریا دەبین.

ئەمەشی وت: کاتی لەچالاکی خستنی رێکخراوە تیرۆریستییەکان لە سوریا ئێمە دەستنیشانی دەکەین، بۆ رەواندنەوەی هەرچەشنە مەترسییەک لەسەر سنورەکانی باشورمان، ئەوە ئەنجام دەدەین و ماوەی رێکخراوی تیرۆریستی پەکەکە و لق و پۆپەکانی کۆتایی پێهاتوە.

زیاتر: رێگری دەکرێت کە لەو کەشە جێی متمانەیەی کە لە سوریا هاتوەتە ئاراوە، هێز کۆبکەنەوە، بڕوا ناکەم لە سوریا هیچ هێزێک ئامادە بێت هاوکاری رێکخراوە تیرۆریستییەکان بکات.

چی تر: بۆ راگرتنی ئیسرائیل بەرپرسیارێتییەکی گەورە دەکەوێتە سەر شانی ئەمریکا و وڵاتانی رۆژئاوا، پێویستە بە ئاشکرا بوترێت کە دژی داگیرکارییەکانی ئیسرائیلن.