بابەتە سەرەکییەکە: قەیس خەزعەلی ئەمینداری گشتی عەسائیبی ئەهلی حەق پەیامێکی ڤیدیۆیی بەبۆنەی تێپەڕینی ساڵێک بەسەر دەستپێکی شەڕی غەززەدا بڵاوکردەوە.

چی وت: ناوبراو رایگەیاند: ئۆپەراسیۆنی (زریانی ئەقسا) گرنگترین و دیارترین رووداو بووە بە درێژایی ساڵی رابردوو.

زیاتر: ئیسرائیل هیچ بنەمایەکی سیاسی و ئابووری نییە، ئەو وڵاتە لەسەر یەک بنچینە دامەزراوە، ئەویش بناغەی ئاینی و بیروباوەڕی پێغەمبەرایەتییە کە پشت بە تەورات و ئینجیلە دەبەستێک نەک هیچ شتێکی تر.

ئەمەشی وت: ئامانجی دامەزراندنی دەوڵەتی ئیسرائیل فراوانبوونی دەسەڵاتییانە لە تەواوی رۆژهەڵاتی ناوەڕاستدا.

چی تر: ئیسرائیل پێیوایە ئامانجی بوونی ئەو دەوڵەتە ئاینی و ئایدۆلۆژییە، هەوڵەکانیان بە بیروبۆچوونی خۆیان، بۆ گەیشتنە بە هۆکارەکانی دەرکەوتنی ئەو رزگارکەرەی بەڵێنیان پێدراوە و چاوەڕوانی دەکەن کە ئەویش دەجالە.

ئەمەش بزانە: ئەوان باوەڕیان وایە، هیچ کەسێک جگە لە خۆیانی جولەکە (یەهودی) لە ئاستی مرۆڤایەتیدا نییە، ئەوەی ئێستاش حکومڕانی ئەو قەوارەیە دەکات کەسانی ئایدۆلۆژین نەک سیاسی.
روونتر: ئۆپەراسیۆنی (زریانی ئەقسا) هەموو ئەو خاڵە گرنگانەی ئاشكرا کرد کە دەبوو ئێمە بیانزانین و تەواوی جیهانیش دەبوو بیانبینێت.