بابەتە سەرەکیەکە: قوباد تاڵەبانی، لێپرسراوی مەکتەبی سکرتارییەتی سەرۆک مام جەلال، لە ئیدارەی راپەڕین لەگەڵ سەرۆک تیمەکانی کەرتی تەندروستی کەمپینی بانگەشەی هەڵبژاردنی لیستی 129ی یەکێتی کۆبووەوە.

راگەیەندراوی فەرمی: لە کۆبوونەوەکەدا، قوباد تاڵەبانی باسی لە کێشەکانی کەرتی تەندروستی هەرێمی کوردستان کرد و سوپاسی پزیشک و کارمەندانی کەرتی تەندروستی کرد کە لە دە ساڵی رابردوودا بەهۆی شەڕی داعش و قەیرانی دارایی و سەرهەڵدانی پەتای کۆرۆناوە لەژێر فشارێکی سەختدابوون، کەچی بەوپەڕی دڵسۆزییەوە لە خزمەتکردنی هاوڵاتییان بەردەوام بوون.

ئەمەش هەیە: قوباد تاڵەبانی وتیشی: دڵنیام زۆربەی پزیشک و کارمەندانی کەرتی تەندروستی نە لەم شێوازە حکومڕانییەی ئێستا رازین، نە لە دۆخی کەرتی تەندروستی رازین و نە لە دۆخی ژیان و گوزەرانی خۆیان رازین و داوای گۆڕانکاری بنەڕەتی لە شێوازی حکومڕانیدا دەکەن.

ئەمەشی وت: قوباد تاڵەبانی، لە بەشێکی دیکەی کۆبوونەوەکەدا باسی لە گرنگیی هەڵبژاردنەکانی ئەم خولەی پەرلەمانی کوردستانی کرد و رایگەیاند: جیاوازی هەڵبژاردنی ئەمجارە ئەوەیە کە ئەنجامەکەی گۆڕانکاری لێ دەکەوێتەوە و یەکێتیی دوای سێ ساڵ لە خۆڕێکخستنەوە و خۆبەهێزکردن بڕیاری یەکلاکەرەوەی داوە بۆ گۆڕانکاری لە شێوازی حکومڕانی هەرێمی کوردستان.

چی دیکە: لێپرسراوی مەکتەبی سکرتارییەتی سەرۆک مام جەلال دوای روونکردنەوەی دۆخی لایەنەکانی دیکەی بەشدار لە هەڵبژاردن رایگەیاند: لەم هەڵبژاردنەدا گرنگترین پرسیارێک کە دەبێت هەر دەنگدەرێک لە خۆی بکات، ئەوەیە کە کێ دەتوانێت گۆڕانکاری بکات و کام هێز و لایەن، توانا و کەرەستەی پێویستییان لەبەردەستدایە کە رێڕەوی حکومڕانی راست بکاتەوە.

زیاتر: قوباد تاڵەبانی ئاماژەی بەوەشکرد: گەلی کوردستان لە هەڵبژاردنەکانی رابردوودا ئەزمونی زۆریان هەیە لەگەڵ ئەو لایەنانەی بانگەشەی گۆڕانکارییان دەکرد، بەڵام بەهۆی ئەوەی کەرەستە و هێزی پێویستیان نەبوو، نەک هەر سەرکەوتوو نەبوون بەڵکو دۆخەکەش خراپتر بوو.

دەشڵێت: ئەمجارەیان یەکێتیی بە سەرۆکایەتی بافڵ جەلال تاڵەبانی هەموو ئامادەکارییەکی کردووە بۆ ئەوەی ئەو گۆڕانکارییەکە بکات کە خەڵکی داوای دەکەن، هەر بۆیە پێویستە خەڵکی کوردستان ئەمجارەیان ئەو دەرفەتە بە یەکێتی بدەن و سەرکەوتنی یەکێتیش لەم هەڵبژاردنەدا سەرکەوتنی هەموو خەڵکی کوردستانە.