بابەتە سەرەکیەکە: سەرچاوەیەکی لە مەرجەعی باڵای شیعەکان لە نەجەف، دەنگۆی گواستنەوەی بارەگای فەرمی سیستانی، بۆ شوێنێکی نادیار پاش هەڕەشەکانی ئیسرائیل رەتدەکاتەوە.

لێدوانی فەرمی: سەرچاوەی لە مەرجەعی باڵای شیعەکان لە نەجەف بە بغداد الیومی راگەیاند: عەلی سیستانی مەرجەعی باڵای شیعەکان، بە هیچ شێوەیەک شوێنی نیشتەجێبوون و بارەگای فەرمی خۆی ناگۆڕێت و گرنگی بەو جۆرە هەڕەشانە نادات.

ئەمەشی وت: بە ئامانجگرتنی سیستانی لەلایەن قەوارەی داگیرکەر، گوزارشت لە خۆبەزلزانینی و ئارەزووی بۆ خوێنڕشتن دەکات، وەک ئەوەی ئێستا لە فەلەستین و لوبنان ئەنجامی دەدات.

زیاتر: مەرجەعی باڵا لە ماڵەکەی خۆیدایە لە نەجەف ئەلئەشرەف و هیچ گۆڕانکاریەک لە شوێنی نیشتەجێبوونی رووینەداوە.

پێشتر: کەناڵی 14ـی ئیسرائیلی وێنەیەکی عەلی سیستانی، مەرجەعی باڵای شیعەکانی لەپاڵ ژمارەیەک سەرکردەی حزبوڵای لوبنان، سوپای پاسداران، فەیلەقی قودس، حەماس و حوسییەکانی بڵاوکردەوە، گوایە ئەوانە لەو لیستەدان کە ئیسرائیل بە ئامانجیان دەگرێت.