بابەتە سەرەکیەکە: لیژنەی ئارامی پارێزگای سلێمانی رایگەیاند، بردنە ژوورەوەی موبایل و  هۆکانی وێنەگرتن بۆ ناو بنکە و وێستگەکانی دەنگدان قەدەغەیە. 

راگەیەندراوی فەرمی: هەڤاڵ ئەبوبەکر پارێزگاری سلێمانی، لە دیوانی پارێزگادا، سەرپەرشتیی کۆبوونەوەی لیژنەی ئارامیی پارێزگای سلێمانی بۆ هەڵبژاردنەکانی پەرلەمانی کوردستان کرد و گفتوگۆ لەسەر دوا ئامادەکارییەکان بۆ هەڵبژاردنەکانی پەرلەمان کرا، کە بەشێوەیەکی یاسایی و پێویست بەڕێوەدەچێت.

ئەمەش هەیە: هەر لە کۆبوونەوەکەدا جەخت لەسەر ئاگادارکردنەوەی هاووڵاتییان کرایەوە لەسەر بردنە ژوورەوەی مۆبایل و هۆکانی وێنەگرتن بۆ ناو بنکەو وێستگەکانی دەنگدان قەدەغەیە.

چی دیکە: پێویستە نوێنەری کەناڵە ڕاگەیاندنە ناوخۆیی و نێودەوڵەتییەکان باجی فەرمیی تۆمارکراوی کۆمسیۆنی باڵای سەربەخۆی هەڵبژاردنەکانی عیراقی فیدراڵیان پێبێت و روماڵ لەو بنکانەدا بکەن کە لەلایەن کۆمسیۆنەوە دیاریکراون.

هاوکات: پێویستە چاودێرانی رێکخراوە ناوخۆیی و نێودەوڵەتیی و چاودێرانی لایەن و قەوارە بەشداربووەکان باجی فەرمیی تۆمارکراوی کۆمسیۆنیان پێبێت و ئەو هاووڵاتییانەی تائێستا کارتی بایۆمەتری دەنگدانیان وەرنەگرتۆتەوە، لە زووترین کاتدا کارتەکان وەربگرنەوە بەپێچەوانەوە مافی دەنگدانیان نابێت.

زیاتر: دەوامی فەرمیی لە هەموو خوێندنگا حکومیی و ناحکومیی و تایبەتەکاندا لە رۆژی 15 تاوەکو 21 رادەگیرێت.

ئەمەش بزانە: لە هەر وێستگەیەکی دەنگداندا تەنها لە %5 ئەو هاووڵاتییانەی لەکاتی وەرگرتنی کارتی بایۆمەترییدا پەنجەمۆرەکەیان نەخوێندراوەتەوە، دەتوانن دەنگ بدەن.