بابەتە سەرەکییەکە: لە
گوندی قەرەسەردی سەر بە قەزای دوکان، سێ ئەندامی سەر بە رێکخراوی تیرۆرستی داعش
دەستگیرکران.
کێ وتی: عەقید سەلام
عبدالخالق لێپرسراوی راگەیاندنی دەزگای ئاسایشی هەرێم بە BMC راگەیاند: دەستگیرکراوەکان ئەو کەسانەن کە
دەستیان لە شەهیدکردنی کارمەندەکانی ئاسایشی قەرەداغدا هەبووە و هەوڵیانداوە هەڵبێن.
چی تر: هێزەکانی بەڕێوەبەرایەتی ئۆپەراسیۆنی سەر بە دەزگای ئاسایشی هەرێم توانیویانە ئەو کەسانە دەستگیربکەن و ئۆتۆمبێلی تیرۆرستەکانیش سووتێنراوە.
بیرخستنەوە: رۆژی 9ی ئابی ئەمساڵ، دوو کارمەندی دەزگای ئاسایشی هەرێم
بە ناوەکانی شەماڵ مەحمود و هونەر تاڵیب لەکاتی ئەرکدا لەلایەن چەند چەکدارێکی
نەناسراوەوە شەهیدکران.