بابەتە سەرەکییەکە: هەریەکە لە یەکگرتووی ئیسلامی،
کۆمەڵی دادگەری، رەوتی هەڵوێست و بەرەی گەل لە کۆنگرەیەکی هاوبەشدا ئەنجامەکانی
هەڵبژاردنیان رەتکردەوە.
ئەوەی هەیە: بێستون حەمەساڵح بەرپرسی ئۆفیسی هەڵبژاردنی
کۆمەڵی دادگەری لە کۆنگرەکەدا رایگەیاند: هەر چوار لایەنی ئاماژەپێکراو
کۆبوونەوەمان لەسەر ئەنجامی هەڵبژاردن کردووە.
زیاتر: لە ئێستادا لە قۆناغی کۆکردنەوەی بەڵگەکانداین و
ئەو بەڵگانەی کە بوونیشیان هەیە لێکۆڵینەوەیان لەسەر دەکرێت، لە رۆژانی داهاتووشدا
سەرجەم بەڵگەکان بۆ رای گشتی دەخەینەڕوو، هەروەها ئاڕاستەی لایەنە
پەیوەندیدارەکانیشی دەکەین.
هاوکات: فێنک محەمەد بەرپرسی دەزگای هەڵبژاردنی بەرەی
گەلیش وتی: ئێمە وەک بەرەی گەل دڵنیاین لەووەی ئەو ئەنجامانەی راگەیەندراوە بە هیچ
شێوەیەک دەنگی ئێمە نین.
ئەمەش بزانە: رێبوار کەریم ئەندامی دەستەی بەڕێوەبردنی
رەوتی هەڵوێستیش ئاشکرایکرد: ژمارەیەک پسپۆڕی ئایتی سەرقاڵی لێکۆڵینەوەن
لەگەڵماندا و گەیشتوویەنەتە سەرەداویی بابەتەکە.