بابەتە سەرەکییەکە: لە ماوەی هەفتەی داهاتوودا لقی نوێی بانکەکانی ڕافیدەین و رەشید لە پارێزگای سلێمانی دەکرێتەوە.
سەرچاوە: ئاژانسی "بغداد الیوم" لە زاری سەرچاوەیەکەوە بڵاویکردۆتەوە ڕەزامەندی لەسەر کردنەوەی لقی بانکی ڕافیدەین و رەشید لە پارێزگای سلێمانی دراوە، شوێنەکەشیان لە شەقامی 60ی شارەکە دەستنیشانکراوە.
ئەمەش هەیە: لقێکی بانکی بازرگانی عێراقی لەپارێزگای هەڵەبجە دەکرێتەوە و لقی بانکی بازرگانی عێراقیش لەناوچەکانی گەرمیان و ڕاپەڕین دەکرێتەوە بەئامانجی زیادکردنی ناوەندەکانی تەوتینکردنی مووچە لەبانکە فیدراڵییەکان لەئەنجامی ئەو تەوژمە زۆرەی لە سەر لقی بانکەکە لە سلێمانی هەیە.
بیرخستنەوە: کردنەوەی لقی بانکی بازرگانی عێراقی، دوای بڕیارەکەی بافڵ جەلال تاڵەبانی سەرۆکی یەکێتی هات، کە بڕیاریدا بە داخستنی ئەوە شوێنانەی تایبەتن بە 'هەژماری من' ی حکوومەتی هەرێم، فەرمانی دەرکرد راستەوخۆ سەرجەم فەرمانگەکانی پارێزگای سلێمانی کار بکەن بۆ تەوتینکردنی مووچەی مووچەخۆران.