بابەتە سەرەکیەکە: كۆمسیۆنی باڵای سەربەخۆی هەڵبژاردنەكانی عێراق دەرگای تانەدان لە ئەنجامی كۆتایی هەڵبژاردنی خولی شەشەمی پەرلەمانی هەرێمی كوردستانی كردەوە.

لێدوانی فەرمی: جومانە غەلای وتەبێژی کۆمیسیۆنی باڵای سەربەخۆی هەڵبژاردنەکانی عێراق بە میدیای فەرمی یەکێتی راگەیاند: بەگوێرەی یاسای كۆمسیۆن، پاش راگەیاندنی ئەنجامەكانی هەڵبژاردنی پەرلەمان، لایەن و كاندیدەكان دەتوانن بۆ ماوەی سێ رۆژ لە بەردەم دەستەی دادوەری هەڵبژاردنەکان تانە لەئەنجامەكان بدەن.

ئەمەشی وت: لەمڕۆوە کە 31 تشرینی یەکەم دەکات، تاوەکو 3 تشرینی دووەم، تانەی لایەنە سیاسییەکان و کاندیدەکان وەردەگیرێت.

زیاتر: دەستەی دادوەری هەڵبژاردنەکان ماوەی هەفتەیەکیان لەبەردەستدایە بۆ وەرگرتنی بەڵگەنامە پەیوەندیدار بە تانەکان و لە ماوەی 10 رۆژدا تانەکان یەکلایدەکرێنەوە.