بابەتە سەرەکیەکە: یەکێتی نیشتیمانی کوردستان، لە دادگای لێکۆڵینەوەی کەرخ سکاڵای یاسایی لەسەر پرۆژەی "هەژماری من" و رێگریکردن لە جێبەجێکردنی "تەوتین" تۆمارکرد.

ئەوەی پێویستە بیزانیت: ئەمڕۆ پێنجشەممە یەکێتی نیشتمانی کوردستان لەڕێگەی تیمێکی یاسای و ئەندام پەرلەمانەکانی لە عێراق سکاڵای یاسای لەسەر پڕۆژەی "هەژماری من" و رێگریکردن لەجێبەجێکردنی "تەوتین" لە دادگای لێکۆلینەوەی کەرخ تۆمارکرد.

ئەمەش هەیە: سکاڵاکە لەسەر بە زۆر ناچارکردنی فەرمانبەرانە بە کردنەوەی هەژمار لە پرۆژەی "هەژماری من" لە بانکە نا حکومیەکان بە پێچەوانەی بریاری دادگای فیدڕاڵی.

زیاتر: دادگای لیکۆلینەوەی کەرخ، سکاڵاکەی قبوڵکرد و دەستیکردووە بە رێکارە یاساییەکانی خۆی.