بابەتە سەرەکیەکە: قوباد تاڵەبانی، جێگری سەرۆک وەزیران پێشوازی کرد لە باڵیۆز مەحمود فاروق عامر، کونسوڵی گشتیی نوێی میسر لە هەرێمی کوردستان کرد.

راگەیەندراوی فەرمی: نوسینگەی راگەیاندنی جێگری سەرۆک وەزیران بڵاویکردەوە: لە دەستپێکی کۆبوونەوەکەدا کە ئەمڕۆ سێشەممە لە هەولێر بەڕێوەچوو، قوباد تاڵەبانی پیرۆزبایی دەستبەکاربوونی لە کونسوڵی گشتیی نوێی میسر کرد و ئامادەیی خۆی و نووسینگەی جێگری سەرۆک وەزیرانی دەربڕی بۆ هەر جۆرە هاوکاری و کارئاسانییەک لەپێناو پتەوکردنی زیاتری پەیوەندییەکانی نێوان هەردوولا.

ئەمەش هەیە: قوباد تاڵەبانی ئاماژەیدا بە پەیوەندیی مێژوویی نێوان وڵاتی میسر و هەرێمی کوردستان و رۆڵی سەرۆک مام جەلالی بیرهێنایەوە کە بە پەرۆش بووە بۆ دروستکردن و بەهێزکردنی پەیوەندییەکانی نێوان هەردوولا و روونیشی کردەوە کە لەم قۆناغەشدا هەرێمی کوردستان خوازیاری باشترین و بەهێزترین پەیوەندییە لە هەموو بوارەکاندا لەگەڵ وڵاتی میسر.

زیاتر: لە تەوەرێکی دیکەی کۆبوونەوەکەدا گفتوگۆکرا لەبارەی قۆناغی پاش هەڵبژاردن لە هەرێمی کوردستان و لەمبارەیەوە، جێگری سەرۆک وەزیران جەختی لەوەکردەوە، لەسەر هەوڵدان بۆ پێکهێنانی حکومەتێکی خزمەتگوزار و دادپەروەر کە خزمەتی هەموو هاوڵاتیانی هەرێمی کوردستان بکات.

هاوکات: هەر لە کۆبوونەوەکەدا باس لە پێویستی بەهێزکردنی پەیوەندییەکانی نێوان هەرێمی کوردستان و وڵاتی میسر لە بوارەکانی کلتور و کشتوکاڵ و گەشتوگوزاردا کرا, هەردوولا هاوڕابوون دەرفەتی زۆر باش هەیە بۆ پەرەپێدانی پەیوەندییەکان لە هەر سێ بوارەکەدا, پێویستە بەپێی پلانی هاوبەش و بەرژەوەندی هاوبەش کار بکرێت بۆ گەشەپێدانی پەیوەندییەکان لەهەر سێ بوارەکەدا.