بابەتە سەرەکیەکە: وتەبێژی بەڕێوەبەرایەتی تەندروستی سلێمانی رایگەیاند، رێنمایی دراوە بەو نەخۆشانەی لە نەخۆشاخانەکانن کارتی نیشتیمانیان لە ماڵەوە دابنێن.

لێدوانی تایبەت: سامان شێخ لەتیف وتەبێژی بەڕێوەبەرایەتی تەندروستی سلێمانی بە BMC راگەیاند: ئەو نەخۆشانەی لە نەخۆشخانە دەمێننەوە پێیان وتراوە کە کارتی نیشتیمانی یاخود تەسکەرەیان لەماڵەوە بێت بۆ ئەوەی کە بژمێرەکان چونە ماڵەکانیان کارتی نیشتیمانی نەخۆشەکەیان نیشان بدرێت.

زیاتر: تاوەکو بزانن سەر بەو خێزانەن و بە هۆکاری نەخۆشی ئامادەییان نەبووە و لە نەخۆشخانەن و تیمەکانی سەرژمێریش سەردانی نەخۆشخانەکان ناکەن.