بابەتە سەرەکیەکە: بەڕێوەبەری پۆلیسی سلێمانی رایگەیاند، دانیشتووانی شاری سلێمانی و دەوروبەری پابەند بوونی تەواویان هەیە بە پڕۆسەکە و رێککارەکانی قەدەغەی هاتووچۆوە.

لێدوانی تایبەت: عەمید ئارام محەمەد بەڕێوەبەری پۆلیسی سلێمانی بە BMC راگەیاند: هێزەکانمان پابەندن بە پڕۆسەکە و قەدەغەی هاتووچۆوە و سوپاسی هاوڵاتیان شاری سلێمانی دەکەین کە پابەند بوون بە پڕۆسەکە و رێککارەکانیەوە.

ئەمەشی وت: ئەمە پڕۆسەیەکی نیشتیمانییە و پەیوەندی بە زۆرێک لە لایەنەکانی ژیانی گەلی کوردەوە هەیە لە چوارچێوەی عێراقدا، کاتێک ئەنجامەکانی سەرژمێری دێنە دی لێکەوتەی زۆری لێدەکەوێتەوە کە پەیوەندی بە ئاسایشی نیشتیمانی گەلی کوردەوە هەیە.

زیاتر: داوا لە هاوڵاتیان دەکەینەوە کە پابەندی رێنماییەکان بن و لە ماڵەکانیان بمێننەوە، لە سەرجەم کوچە و گەڕەکەکانی شارەکەشدا هێزەکانمان بڵاوەیان پێکراوە و لە ئامادەباشیدان.