بابەتە سەرەکیەکە: رێبەری رەوتی نیشتمانیی شیعە بریاریداوە خۆی گۆشەگیر بکات و لە خەڵکی دورکەوێتەوە.

کێ وتی: سەرچاوەیەک لە نوسینگەی رێبەری رەوتی سەدر بە شەفەق نیوزی راگەیاند: موقتەدا سەدر بڕیاریداوە بەهۆی روداوەکەی دوێنێ و هاوشێوەکانی، خۆی گۆشەگیر بکات و لە خەڵکی دورکەوێتەوە.

زیاتر: سەدر هەست دەکات تاوەکو ئێستا خەڵکانێک هەن کەوتونەتە داوی پیلانی رۆژئاوا و  گەندەڵکاران، دورن لە رێنمایی و ئاراستەکانی ئەوەوە.

بیرخستنەوە: دوێنێ چەند لایەنگرێکی رەوتەکە، لە بەغدا وێنەی سەرکردەکانی مقاوەمە، حەسەن نەسروڵڵا، ئەبوهەمدی موهەندیس و قاسم سولەیمانی-یان دڕاند و لێکردەوە.