بابەتە سەرەکیەکە: شارەزایانی ئەمریکی، هۆشداریانداوە لە مەترسییەکی نوێ، كە ئەگەری هەیە ڤایرۆسی ئەنفلۆنزای باڵندە دروستیبکات و لە داهاتودا گەشە بکات بۆ پەتایەک.

کێ وتی: یۆرۆ نیوز لە زاری شارەزایانی ئەمریکاوە بڵاویکردوەتەوە: هۆشداریانداوە لە مەترسییەکی نوێ، كە ئەگەری هەیە ڤایرۆسی ئەنفلۆنزای باڵندە دروستی بکات و لە داهاتوودا گەشە بکات بۆ پەتایەک، ئەمەش بەهۆی پێشکەوتنە بەرچاوەکانی ڤایرۆسەکە لەم دواییەدا، لە رێگەی بڵاوبونەوەی لە ناو مانگاکان و توشبونی چەند کەسێک لە ئەمریکا.

ئەمەش هەیە: بەگوێرەی ئامارەکانی سەنتەری کۆنتڕۆڵکردن و خۆپاراستن لە نەخۆشییەکان، لەمساڵدا 58 حاڵەتی پۆزەتیڤی ڤایرۆسی ئەنفلۆنزای باڵندە لە ئەمریکا تۆمارکراوە.

زیاتر: هێشتا هیچ ئاماژەیەک بۆ گواستنەوەی نەخۆشییەکە لە نێوان مرۆڤەکاندا نییە، چونکە دەسەڵاتدارانی تەندروستی ئەمریکا هێشتا مەترسییەکانی سەر تەندروستی گشتی بەهۆی ئەم پەتایەوە بە کەم هەڵدەسەنگێنن.