بابەتە سەرەکییەکە: بافڵ جەلال تاڵەبانی، سەرۆکی یەکێتیی نیشتمانیی کوردستان لە مەکتەبی سیاسی لە هەولێر پێشوازیی لە شاندێکی باڵای پارتی یەکسانی و دیموکراتیی گەلان (دەم پارتی) کرد.

زیاتر: شاندەکە پێکهاتبون لە تولای هاتیمۆغولاری ئۆروچ، هاوسەرۆکی دەم پارتی و ئەبرو گونای، جێگری هاوسەرۆکی دەم پارتی و لێپرسراوی پەیوەندییەکانی دەرەوە، و بەردان ئۆزتورک، وتەبێژی لیژنەی پەیوەندییەکانی دەرەوەی دەم پارتی.

راگەیەندراوی فەرمی: نوسینگەی سەرۆکی یەکێتی بڵاویکردەوە: لە کۆبونەوەکەدا کە دەرباز کۆسرەت رەسوڵ لێپرسراوی مەکتەبی پەیوەندییەکان و سالار سەرحەد لێپرسراوی پەیوەندییە کوردستانییەکان ئامادەبون، دۆخی سیاسیی رۆژهەڵاتی ناوەڕاست بەتایبەت سووریا گفتوگۆی لەبارەوەکرا و جەخت لە چارەسەری ئاشتییانەی کێشەکان و دوورکەوتنەوە لە بژاردەی شەڕ کرایەوە.

ئەمەش بزانە: هەردولا جەختیان لە پاراستنی مافەکان و رێزگرتن لە ئیرادەی سەرجەم نەتەوە و پێکهاتەکانی سوریا بە تایبەت گەلی کورد کرایەوە.

هاوکات: داواکرا هەموان پێکەوە بە یەکسانی بڕیار لەسەر چارەنوسی وڵاتەکە بدەن و قۆناغێکی نوێی حکومڕانی بهێننە کایەوە.

چی تر: سەرۆکی یەکێتی پەرۆشیی حزبەکەی بۆ گەیشتن بە چارەسەرێکی ئەرێنی لەسەر بنەمای هاوبەشی راستەقینە بۆ داهاتوی سوریا دوپاتکردەوە و رایگەیاند، پشتیوانی هەمو ئەو هەوڵانە دەکەن کە ئامانجەکەی پاراستنی مافەکانی گەلی کوردە لە سوریا.

ئەمەشی وت: پاڵپشتی گەلەکەشمان دەکەین لە رۆژئاوا بۆ سەرخستنی ئامانجەکانیان، هەروەها هەوڵەکانی مەزڵوم عەبدی لەم قۆناغە هەستیارەدا بۆ پاراستنی ئارامی ناوچەکە بەرز دەنرخێنین.

لە بەرامبەردا: شاندی باڵای دەم پارتی پێزانینیان بۆ هەڵوێستی کوردستانییانەی بافڵ جەلال تاڵەبانی و یەکێتیی نیشتمانیی کوردستان دەربڕی کە وەک هەمیشە هاوکار و پشتیوانبون بۆ پاراستنی مافی کورد و رونیان کردەوە، دەم پارتی بە سیاسەتێکی نیشتمانییانەوە کار بۆ بەدیهێنانی ئاشتی و سەقامگیری دەکات، بێگومان هەوڵەکانیشیان لەپێناو پاراستنی مافەکانی گەلی کورد لە سووریا بەردەوام دەبێت.