بابەتە سەرەکیەکە: لەسەر دۆسیەی
كوشتنی كەسێک و برینداركردنی كەسێكی تر مەفرەزەكانی پۆلیسی پارێزگای سلێمانی
تۆمەتبارێكیان دەستگیركرد.
راگەیەندراوی فەرمی: بەڕێوەبەرایەتی
پۆلیسی پارێزگای سلێمانی رایگەیاند: دوای ئەوەی شەوی رابردو لەگەڕەكی
قولەرەیسی شاری سلێمانی شەڕە چەقۆ لەنێوان چەند كەسێكدا دروستبو، لەئەنجامدا
كەسێك بەچەقۆ كوژرا و كەسێكی تر برینداربو.
ئەمەش هەیە: دەستبەجێ هێزەكانی پۆلیس
گەیشتنە شوێنی روداوەكە، كەشف و هێڵكاریی بۆ شوێنی تاوانەكە ئەنجامدرا و
لێكۆڵنەوەكان بۆ دەستگیركردنی تۆمەتباری هەڵاتو دەستیپێكرد، سەرەنجام و دوای وەرگرتنی بڕیاری بەڕێز دادوەر، توانرا لەماوەی كەمتر لە دو كاتژمێردا تۆمەتبار بدۆزرێتەوە و دەستگیربكرێت.
زیاتر: لەئێستادا تۆمەتبار ع، أ، ع لەدایكبوی 2001 بەبڕیاری بەڕێز دادوەر و بەپێی
ماددەی 406 لەیاسای سزادان راگیراوە و لێكۆڵینەوەكان بەردەوامە.
