بابەتە سەرەکیەکە: سەرۆکی ئەمریکا رایگەیاند، ئاشتی رۆژهەلاتی ناوەڕاست و بەتایبەتی پرسی غەززە پرسگەلێکی قورسن و زۆر هەوڵماندا بۆ دەستەبەرکردنی ئاگربەست.

لێدوانی فەرمی: جۆو بایدن سەرۆکی ئەمریکا لە چاوپێکەوتنێکدا لەگەڵ MSNBC News رایگەیاند: ئاشتی رۆژهەلاتی ناوەڕاست و بەتایبەتیش پرسی غەززە پرسگەلێکی قورسن و زۆر هەوڵمانداوە بۆ دەستەبەرکردنی ئاگربەست لە غەززە و، خۆشحاڵم بە دەستبەرکردنی ئاگربەست تەنانەت ئەگەر لە کۆتا رۆژی پۆستەکەشمدا بوبێت.

ئەمەشی وت: ئەو بۆچونە ناگونجێت کە ئیسرائیل بە لەبەرچاونەگرتنی پرسی فەڵەستین و ئاسایشی ئەوان دەتوانێت بۆ وادەیەکی زۆر درێژە بە بوونی خۆی بدات، ئەمە جێبەجێ نابێت.

زیاتر: بەردەوام وەبیری ناتانیاهۆی دۆستمم هێناوەتەوە کە پێویستە رێگایەک بدۆزێتەوە بۆ ئەوەی نیگەرانییە رەوایەکانی گروپێکی کۆمەڵایەتی گەورە کەپێی دەگوترێت فەڵەستینییەکان لەبەرچاو بگرێت.

چی تر: ئێران و حزبوڵڵا بەراورد بە سەردەمی پێشو لاوازبون و ئەوەش لە روی ئاسایشی ئیسرائیلەوە زۆر گرنگە.