بابەتە سەرەکییەکە:
سەرۆکی پارتی دیموکراتی کوردستان پەیامێکی بڵاوکردەوە سەبارەت بە پەسەندکردنی پرۆژەیاسایەک
لە پەرلەمانی عێراق.
چی تر: مەسعود بارزانی لە پەیامەکەیدا
رایگەیاندوە: پەرلەمانی عێراق لە هەنگاوێكی گرنگدا دەنگی بە "پڕۆژە
یاسای هەڵوەشاندنەوەی بڕیارەكانی ئەنجومەنی سەركردایەتیی بەعسی هەڵوەشاوە" دا
كە تایبەتە بە گەڕانەوەی زەوی و زار بۆ خاوەنە رەسەنەكانیان"
دەقی پەیامەکەی مەسعود بارزانی:
دوای ماوەیەکی زۆر لە ڕووخانی ڕژێمی پێشووی عێراق، سەرئەنجام
ئەمڕۆ ئەنجوومەنی نوێنەرانی عێراق لە هەنگاوێكی گرنگدا دەنگی بە "پڕۆژە یاسای
هەڵوەشاندنەوەی بڕیارەكانی ئەنجوومەنی سەركردایەتیی بەعسی هەڵوەشاوە" دا كە
تایبەتە بە گەڕانەوەی زەوی و زار بۆ خاوەنە ڕەسەنەكانیان. ئەو بڕیارە لەشوێن خۆیەتی
و گەڕانەوەی مافە بۆ خاوەنماف، بەم بۆنەیەوە دەستخۆشی لە سەرۆكایەتیی ئەنجوومەنی
نوێنەرانی عێراق و فڕاكسیۆنە كوردستانییەكان و سەرجەم ئەو لایەنانە دەكەم كە ڕۆڵیان
لە تێپەڕاندن و پەسەندكردنی ئەو پڕۆژە یاسایە هەبووە و سوپاسیان دەكەم.
هیوادارم ئەمە دەستپێكێك بێت بۆ ڕاستكردنەوەی هەموو ئەو
هەڵە و ناڕاستیانە كە لەدژی بەرژەوەندیی هاووڵاتیانی عێراق بە درێژایی مێژووی دەوڵەتی
عێراق ئەنجام دراوە.