بابەتە سەرەکیەکە: بافڵ جەلال تاڵەبانی سەرۆکی یەکێتی نیشتمانی کوردستان بەبۆنەی بەبۆنەی 31ـەمین ساڵەی راگەیاندنی یەکگرتوی ئیسلامی کوردستانەوە پەیامێکی ئاڕاستەی حزبەکە کرد.

چی وت: سەرۆکی یەکێتی رایگەیاند: بەڕێز مامۆستا سه‌ڵاحه‌دین محەمەد به‌هائه‌دین، ئەمینداری گشتیی یه‌كگرتووی ئیسلامی كوردستان و بەڕێزانمان لە سەرکردایەتی و برایان و خوشکانمان لە یەکگرتوی ئیسلامی کوردستان سڵاوی خودای گەورەتان لێبێت.

ئەمەشی وت: بەبۆنەی 31ـەمین ساڵەی راگەیاندنی یەکگرتوی ئیسلامی کوردستانەوە، لەدڵەوە پیرۆزبایی گەرمتان ئاڕاستەدەکەین و هیوادارم رۆڵی میانڕەوانەی یەکگرتوی ئیسلامی کوردستان بەردەوام بێت لە پێناو بەهێزترکردنی قەوارەی هەرێم و بەدیهێنانی ئامانجە باڵاکانی گەلەکەمان.

زیاتر: لەم دەرفەتەدا بەڕێزو پێزانینەوە لە رۆڵی جەنابتان و یەکگرتوی ئیسلامیی کوردستان دەڕوانین، وەک هێزێکی کاریگەریی گۆڕەپانی سیاسی لەهەرێم، کە هەمیشە بەشێک بون لە یەکڕیزی و یەکخستنی ماڵی کورد و تەبایی و برایەتی نێوان پێکهاتەکانی کوردایەتی.

چی تر: پەرۆشی یەکێتی نیشتمانی کوردستان دوپاتدەکەمەوە لە گەشەپێدانی پەیوەندییەکانمان و کارکردنی پێکەوەیی لەپێناو سەرخستنی هەنگاوەکان بۆ هێنانە کایەی حکومڕانییەکی تەندروست و خزمەتگوزار و چارەسەرکردنی کێشەکان و دابینکردنی ژیانێکی شایستەتر بۆ خەڵکە خۆشەویستەکەمان.