بابەتە
سەرەکیەکە: شێخ
تەمیم بن حەمەد ئال سانی میری قەتەر لەگەڵ عەلی خامنەیی رێبەری باڵای کۆماری
ئیسلامی ئێران کۆبوەوە.
لێدوانی فەرمی:
ئاژانسی هەواڵی مێهر بڵاویکردەوە: لە کۆبونەوەکەدا، خامنەیی رایگەیاند؛ ئێمە وڵاتی قەتەر بە وڵاتێکی
دۆست و برا دەزانین، هەرچەندە هێشتا پرسی ناڕون و چارەسەرنەکراو هەن، وەک
گەڕانەوەی پارە بلۆککراوەکانی ئێران کە لە کۆریای باشورەوە گواستراونەتەوە بۆ
قەتەر.
ئەمەش هەیە: ئەگەر ئێمە لە شوێنی قەتەر بوینایە،
فشارەکانی ئەمریکامان پشتگوێ دەخست و داواکارییەکانی لایەنی بەرامبەرمان
دەگەڕاندەوە، چاوەڕوانی کردەوەی لەو شێوەیەین لە قەتەر.
زیاتر: رێبەری باڵای کۆماری ئیسلامی ئێران، هیوای
خۆی دەربڕی کە رێککەوتنەکانی تاران بە قازانجی هەردو وڵات بێت و هەردولا زیاتر لە
جاران بتوانن ئەرکی دراوسێیەتی خۆیان جێبەجێ بکەن.