بابەتە
سەرەکیەکە: وەزارەتى خوێندنى باڵاى هەرێم ناوى دو هەزار و 269 دەرچوى بەشە
پزیشکییەکان بەمەبەستى دامەزراندن ئاراستەى وەزارەتى تەندروستى حکومەتى عێراق
دەکات.
راگەیەندراوی
فەرمی: وەزارەتى خوێندنى باڵا و توێژینەوەى زانستى حکومەتى هەرێمى کوردستان رایگەیاند: لەسەر داواى وەزارەتى تەندروستى حکومەتى
عێراقى فیدرال و لە ڕێگەى نوێنەرایەتى حکومەتى هەرێمى کوردستان لە بەغدا، ناوى دو
هەزار و 269 دەرچوى بەشە پزیشکی و
تەندروستییەکان لە زانکۆکانى هەرێمى کوردستان بۆ ساڵى خوێندنى (2023-2024) کە
دانیشتوى ناوچەکانى دەرەوەى ئیدارەى هەرێمى کوردستانن بەمەبەستى دامەزراندن لەسەر
میلاکى وەزارەتى تەندروستى حکومەتى عێراقى، ئاراستەى نوێنەرایەتى حکومەتى هەرێمى
کوردستان لە بەغدا دەکات.
ئەمەش
هەیە: نوسراوەکە بە واژۆی د. ئارام محمد قادر وەزیرى خوێندنى باڵا و توێژینەوەى
زانستى بە ژمارە 4004 ئەمڕۆ پێنجشەممە بە زمانى عەرەبى ئاراستەى نوێنەرایەتى
حکومەتى هەرێمى کوردستان لە بەغدا کراوە و تیایدا چەندین دۆکیۆمێنت، بەڵگەنامەى
فەرمى کە بریتین لە؛ ناوى دەرچوانى بەشە پزیشکى و تەندروستییەکان و بڕیارى زانکۆیی
دەرچوان لەخۆدەگرێت.
زیاتر:
لە نوێنەرایەتى حکومەتى هەرێمى کوردستانەوە لە بەغدا ئاراستەى وەزارەتى تەندروستى
حکومەتى عێراقى فیدرال دەکرێت بە مەبەستى دامەزراندنیان.
بۆ
خوێندنەوەی دەقی نوسراوەکە کلیک لێرە بکە