بابەتە
سەرەکیەکە: بەڕێوەبەرایەتی پۆلیسی سلێمانی رایگەیاند، بە تۆمەتی كوشتنی هاوڵاتییەک، لە لایەن
بەشی پۆلیسی نەهێشتنی تاوانی سلێمانییــەوە تۆمەتبارێک دەستگیركرا.
راگەیەندراوی
فەرمی: بەڕێوەبەرایەتی پۆلیسی پارێزگای سلێمانی رایگەیاند: شەوی رابردو لە گەڕەكی
سەرچنار لە شاری سلێمانی لە روداوێكدا هاوڵاتییەک بە فیشەک كوژرا و تۆمەتبار هەڵات،
دەستبەجێ هێزەكانی پۆلیس گەیشتنە شوێنی روداوەكە و لێكۆڵینەوە بۆ دۆزینەوە و
دەستگیركردنی تۆمەتبار دەستیپێكرد.
ئەمەش
هەیە: سەرەنجام توانرا لەلایەن بەشی پۆلیسی نەهێشتنی تاوانی سلێمانییــەوە لەماوەی
كەمتر لە هەشت کاتژمێردا تۆمەتبار بدۆزرێتەوە و دەستگیربكرێت.
زیاتر:
لە ئێستادا تۆمەتبار ( خ، ئ، م ) لەدایكبوی 1972 بەبڕیاری
بەڕێز دادوەر و بەپێی ماددەی 406 لە یاسای سزادانی عێراقی راگیراوە و دانی بە
تاوانەكەیدا ناوە.