بابەتە سەرەکییەکە: مەسعود بارزانی سەرۆکی پارتی دیموکراتی کوردستان
لەگەڵ شاندێکی هاوبەشی سێ پارتی باکوری کوردستان کۆبوەوە.
راگەیەندراوی فەرمی: بارەگای بارزانی بڵاویکردەوە: شاندە هاوبەشەکەی
باکوری کوردستان پێکهاتبون لە مستەفا ئوزچەلیک سەرۆکی پارتی وڵاتپارێزانی
کوردستان، بایرام بۆزیەل سەرۆکی پارتی سۆسیالیستی کوردستان، دۆزگین کاپلان سەرۆکی
پارتی ماف و ئازادییەکان و مەسعود تەک جێگری سەرۆکی پارتی سۆسیالیستی کوردستان و محەمەد
شیرین تەیمور لە پارتی ماف و ئازادییەکان.
چی تر: لە دیدارەکەدا بە وردی بیروڕا لەبارەی پڕۆسەی ئاشتی لە تورکیا
و کاریگەرییەکانی لەسەر کۆی پڕۆسەی سیاسی و دۆزی کورد لە ناوچەکە ئاڵوگۆڕ کرا و
جەختیش لە پاڵپشتیکردنی پڕۆسەی ئاشتی و گەیشتن بە چارەسەر لە تورکیا کرایەوە.
هاوکات: باس لە دوایین گۆڕانکارییە سیاسی و ئەمنییەکانی ناوچەکە و بە
تایبەتی سوریا کرا، مەسحود بارزانیش بەرچاوڕونیی پێویستی بۆ شاندی میوان لەبارەی
بارودۆخ و دواڕۆکی کورد و دەرفەت و هەڕەشەکان خستەڕو.