بابەتە سەرەکییەکە: وتەبێژی بازاڕی دراوی شاری سلێمانی هۆکارەکانی دابەزینی
بەهای دۆلار رادەگەیەنێت.
لێدوانی فەرمی: جەبار گۆران وتەبێژی بازاڕی دراوەکەی شاری سلێمانی بەمیدیای
فەرمی یەکێتی راگەیاند، رێکارەکانی بانکی ناوەندی هۆکارە بۆ بەرزبونەوەی بەهای
دینار بەرامبەر بە دۆلار.
ئەوەشی وت: حەواڵەی دەرەوەی وڵات زۆر خێرا بووە لەرێگەی سەکۆ ئەلکترۆنییەکانەوە
و بازرگانەکان کەمتر لەبازاڕدا پارەکانیان دەگۆڕنەوە بە دۆلار و بۆ گۆڕینەوەی پەنا
بۆ بانکە ئەلکترۆنییەکان دەبەن.
ئاماژەی بەوەشکرد: هاتنی مانگی رەمەزانی پیرۆز و کەمبوونەوەی جوڵەی بازرگانی لەبازاڕ یەکێکی دیکەیە
لەو هۆکارانەی کە نرخی دیناری بەرامبەر بە دۆلار بەرزکردووەتەوە.
هاوکات: جەبار گۆران باسی لەوەشکرد، هۆکارێکی دیکە بۆ کەمبونەوەی نرخی
دۆلار ئەوەیە کە کۆمپانیایەکی گەورە لەهەرێمی کوردستان قیستی دیناری لەسەرە و دۆلارێکی
زۆری خستووەتە بازاڕەوە.