بابەتە سەرەکییەکە:
بەڕێوەبەرایەتی گشتی هاتوچۆی هەرێمی کوردستان نرخی وانە تیۆری و پراکتیکییەکانی لە
نوسینگەکانی راهێنان و فێرکردنی شۆفێری دیاریکرد.
چی تر: لە نوسراوێکی
بەڕێوەبەرایەتییەکەدا هاتوە: نرخی وانەکان بۆ دەرهێنانی مۆڵەتی شۆفێری جۆری (B) بە رەچاوکردنی بارودۆخی
دارایی هاوڵاتییان بۆ ساڵی 2025 جێگیرکراوە.
زیاتر: بۆ هەر وانەیەکی
تیرۆی 45 خولەکی تەنها بڕی سێ هەزار دینار دەبێت و بۆ هەر وانەیەکی پراکتیکی یەک کاتژمێری
تەنها بڕی 20 هەزار دینار دەبێت.
ئەمەش هەیە: پێویستە
تەواوی نوسینگەکانی فێرکردنی شۆفێری پابەندبن بەو نرخانەی دیاریکراون و دەبێت
فێرکردن بەو میکانیزمە بێت کە لە رێنمایی ژمارە 12ی ساڵی 2024 دیاریکراوە.
