بابەتە سەرەکییەکە:
میدیایەکی ئیسرائیل بانگەشەی ئەوە دەکات، کە ئێران دەستی بە زانیاریی تایبەت بە
ناوەندە هەستیارەکانی تەلئەبیب دەگات.
ئەوەی پێویستە بیزانیت:
لە چەند رۆژی رابردودا ئیسرائیل دەستگیرکردنی هاوڵاتییەکی تەمەن 65 ساڵی بە ناوی
ئیڤارد یۆسپۆف بە تۆمەتی سیخوڕیکردن بۆ ئێران راگەیاند.
سەرچاوە: تۆڕی میدیایی کەناڵ7ی
ئیسرائیل لە زاری چەند سەرچاوەیەکەوە بڵاویکردوە: اوبراو لە لێکۆڵینەوەکاندا دانی
بەوەدا ناوە کە پەیوەندی لەگەڵ کەسێکی تردا هەبوە کە وەک هاوڵاتییەکی ئازەربایجانی
خۆی ناساندوە و لە دوبەی دەژی و وێنەی ژمارەیەکی زۆر لە ناوەندە هەستیارەکانی
ئیسرائیلی گرتوە و بۆ ئەو کەسە نەناسراوەی ناردوە، لە بەرامبەریشدا دراوی ئەلیکترۆنی
وەرگرتوە.
چی تر: بەشێک لەو
زانیارییانەی رێگە بە بڵاوکردنەوەیان دراوە دەریدەخەن، یۆسپۆف وێنەی بنکەکانی
سوپای ئیسرائیل، بەندەری حەیفا، پاڵاوگەی حەیفا و ناوەندەکانی لێکۆڵینەوەی ئەتۆمی
گرتوە و بۆ خاوەن کارەکەی ناردوە.