بابەتە سەرەکییەکە: وتەبێژی کۆمسیۆنی باڵای هەڵبژاردنەکانی عێراق بڵاویکردەوە، لە ئەمڕۆوە پڕۆسەی نوێکردنەوەی تۆماری دەنگدەران دەستپێدەکات و بۆ ماوەی مانگێک بەردەوام دەبێت.

لێدوانی فەرمی: جومانە غەلای، وتەبێژی کۆمسیۆنی هەڵبژارنەکانی عێراق رایگەیاند، ئەمڕۆ سێشەممە دەستدەکرێت بە پرۆسەی دەرهێنان و تازەکردنەوەی کارتی دەنگدەران بۆ ئەو مەبەستەش یەک هەزار ناوەند کراونەتەوە و ماوەی مانگێک بەردەوام دەبێت.

ئەوەشی وت: پرۆسەی تۆماری دەنگدەران بریتییە لە پڕۆسەی دەرهێنان و نوێکردنەوەی کارتی دەنگدان و تۆمارکردنی ناوی ئاوارەکان و تۆمارکردنی هێزە ئەمنییەکان.

زیاتر: پڕۆسەکە گواستنەوەی ناوی دەنگدەران لە پارێزگایەک بۆ پارێزگایەکی دیکە لەخۆدەگرێت هاوکات، ئەو کەسانەی هاوسەرگیرییان کردووە کارتەکانیان گۆڕانکاری تێدا دەکرێت ناوی ئەو کەسانەش لادەبرێت کە لە ژیاندا نەماون.