ئەو فڕۆکەیەی سوپای تورکیا کە پێداویستی و کارمەندی هاوکاری تورکیای گەیاندە لوبنان، لە بەیروت نیشتەوە.

لە راگەیەندراوێکدا کە لە هەژماری فەڕمی تویتەری وەزارەتی بەرگریی تورکیادا بڵاوکراوەتەوە، ئەو فڕۆکەیەمان کە سەربە سوپای تورکیایە و لە ئەنقەرەوە دەستی بە فڕین کرد و هاوکاری پزیشکی، پێداویستی مرۆیی و تیمی گەڕان و رزگارکردنی هەڵگرتبوو، گەیشتە بەیروت-ی پایتەختی لوبنان کە تەقینەوەکە تێیدا روویدا

دوای تەقینەوەکەی بەیروت، تورکیا بە فەرمانی سەرکۆماری وڵاتەکەی، رەجەب تەیب ئەردۆغان، پێداویستی پزیشکی و مرۆیی و تیمی گەڕان و رزگارکردنی رەوانەی ناوچەکە کرد.

ئەو پێداویستیانەی لە لایەن وەزارەتی تەندروستیی تورکیا، سەرۆکایەتی ئیدارەی کارەسات و دۆخی لەناکاو (ئافاد) و مانگی سووری تورکیەوە ئامادەکرابوون، لە فڕۆکەخانەی سەربازیی ئەتیمەسگوت خرانە فڕۆکەی بارهەڵگری جۆری A 400M

ئه‌و كه‌ل و په‌لانه‌ی وەزارەتی تەندروستی تورکیا ره‌وانه‌ی كرد پێكهاتبوون له‌ ، ٢١ کارمەندی تەندروستی بەهاناوەچوونی بەپەلە، دوو یەکەی دەستوەردانی بەپەلە، سێ چادری مانەوەی کارمەندان، پێداویستی پزیشکی و دەرمان ، هەروەها لەلایەن ئافادەوە ١٠ کارمەند، پێداویستی مرۆیی، ئۆتۆمبێلێکی رزگارکردن رەوانەکرا ، له‌لایه‌ن مانگی سووری تورکیش سێ کارمەند، تیمی گەڕان و رزگارکردن، پێداویستی پزیشکی و مرۆیی ره‌وانه‌كرا .