وتەبێژی هێزەکانی هاوپەیمانی نێودەوڵەتی دژی داعش
رایگەیاند، بەهەماهەنگی لەگەڵ هاوبەشەکانیان چەندین ئۆپەراسیۆنیان لە دژی چەکدارانی داعش لە
عێراق و سوریا ئەنجام داوە.
کۆڵۆنێڵ وەین مۆڕۆتۆ، وتەبێژی هێزەکانی هاوپەیمانی
نێودەوڵەتی دژی داعش لەتویتێکدا رایگەیاند:" لەماوەی مانگی نیسانی
ئەمساڵ بەهەماهەنگی لەگەڵ هاوبەشەکانمان زیاتر لە ٢٩ ئۆپڕاسیۆنمان لە دژی داعش
ئەنجامداوە ".
ئاماژەی بەوەشکردووە :" لە رێگەی ئەنجامدانی
ئەو ئۆپراسیۆنانەوە رێگریمان لە ٣٦ کردەوەی تیرۆرستی کردووە، کە تیرۆرستان
ویستویانە ئەنجامی بدەن ".
ئەوەشی خستووەتەڕوو :" بۆ لەناوبردنی
چەکدارانی داعش و زانیاری دەربارەیان، پێویستە هەماهەنگی زیاتر لە نێوان ئێمە و
هاوبەشەکانمان و هاوڵاتیاندا هەبێت ".