سەرۆک کۆماری ئێران بەستنى ماسکی لە پایتەختى وڵاتەکە کردە کارێکى ناچاری.  

حەسەن رۆحانی، سەرۆک کۆماری ئێران ئەمڕۆ شەممە رایگەیاند، لە پایتەختی ئێران بەستنی ماسک دەبێتە ناچاریی و هەر کەسێک پابەند نەبێت سزا دەدرێت.

ئەمەش لە دوای ئەوە هات لە ماوەی چەند ڕۆژى ڕابردوودا ئامارەکانی توشبوون و گیانلەدەستدان بەهۆی کۆرۆنا زیادیان کردووە لە ئێران.

  تا ئێستا 28 هەزار و 293 کەس لە ئێران بەهۆی کۆرۆناوە گیانیان لەدەستداوە و رۆژانەش نزیکەی چوار هەزار حاڵەتی نوێ تۆمار دەکرێت.

 هاوکات دۆخی ئابووری ئێران خراپە و تومەن بۆ ئاستێکی پێوانەیی بەرامبەر بە دۆلار دابەزیووە.