کۆمپانیای هێڵی ئاسنی عێراق گرێبەستێکی نوێی بۆ کڕینی
٤٠٠ تانگەری گواستنەوەی نەوت لەسەر شەمەندەفەر لەگەڵ تورکیا ئیمزاکردووە، کە تاوەکو
ئێستا ٥٠ تانگەری وەرگرتووە.
ئاژانسی هەواڵی "ئەنادۆڵۆ"ی تورکی
رایگەیاند:"کۆمپانیای هێڵی ئاسنی عێراق بەمەبەستی گواستنەوەی نەوت لە رێگەی
تانکەری سەر شەمەندەفەرەوە گرێبەستێکی لەگەڵ کۆمپانیای کریۆکانی تورکی ئیمزاکردووە
و دوێنێ شەممە ٥٠ تانگەر وەک یەکەم کاروانی ئەو تانکەرانە رادەستی عیراق
کران".
هاوکات، تەکین ئۆرهان، سەرۆکی ئەنجومەنی کارگێڕی لە
کۆمپانیای کریوکان رایگەیاند:"تا کۆتایی ئەمساڵ ١٠٠ تانکەری گواستنەوەی نەوت
لەسەر شەمەندەفەر رادەستی عێراق دەکەن و تاوەکو کۆتایی ساڵی ٢٠٢٢ش تەواوی ئەو
تانکەرانە رادەست دەکرێن کە ژمارەیان ٤٠٠ تانکەرە".